వీరజవాన్ల అమరత్వాన్ని సముచిత స్మారకం

ఇండియాగేట్ ఆవరణలో సుమారు 40 ఎకరాల విస్తీర్ణంలో రూ.176 కోట్ల వ్యయంతో జాతీయ యుద్ధ స్మారక కేంద్రాన్ని నిర్మించారు. స్మారక కేంద్రం మధ్య నిర్మించిన రాతి స్తంభం కింద దీపాన్ని వెలిగించడం ద్వారా ప్రధాని నరేంద్ర మోదీ ఆ కేంద్రా న్ని జాతికి అంకితం చేశారు. ఆ దీపం నిరంతరం వెలుగుతూనే ఉంటుంది. ఈ సందర్భంగా వైమానిక దళ హెలికాప్టర్లు ఆ ప్రాంగణంపై గులాబీ రేకుల వర్షాన్ని కురిపించాయి.

ఈ స్మారక కేంద్రంలో అమర్ చక్ర, వీర్‌తా చక్ర, త్యాగ్ చక్ర, రక్షక్ చక్ర పేరిట 4 గోడలను వృత్తం ఆకారంలో నిర్మించారు. ఆ గోడలకు అతికించిన గ్రానైట్ బిల్లలపై 25,942 మంది సైనికుల పేర్లను సువర్ణాక్షరాలతో లిఖించారు. వీర్‌తా చక్ర ఆవరణం లో, భారత సాయుధ దళం, వాయుసేన, నౌకాదళం పాల్గొన్న ప్రతిష్ఠాత్మక యుద్ధాలను వివరించే ఆరు కాంస్య కుడ్య చిత్రాలను నిర్మించారు. కేంద్రం మధ్యలో నిర్మించిన రాతి స్తంభంపైన అశోకుని సింహాలు, అడుగున నిత్యం వెలిగే అమరజ్యోతి, దాని గోడపై కవి జగదాంబ ప్రసాద్ రాసిన షహీద్ కీ మజ్రోన్ పర్.. కవిత రాసి ఉంది.

 దేశానికి స్వాతంత్య్రం లభించాక యుద్ధ వీరుల త్యాగాలను స్మరించుకొనేందుకు దేశంలో ఇంతవరకు ఎటువంటి స్మారకం ఏర్పాటుచేయలేదు. ఈ నేపథ్యంలోనే ఢిల్లీ లో జాతీయ యుద్ధ స్మారకం నిర్మించారు. 1962లో జరిగిన భారత్-చైనా యుద్ధం, 1947, 1965, 1971లో జరిగిన భారత్ -పాక్ యుద్ధం, 1999లో జరిగిన కార్గిల్ యుద్ధంలో దేశ రక్షణ కోసం పోరాడుతూ అసువులు బాసిన వీర సైనికులకు, శ్రీలంకలో శాంతి పరిరక్షణకు వెళ్లి బలైన భారత జవాన్లకు ఈ స్మారకం నివాళి అర్పిస్తుంది.

ఈ జాతీయ యుద్ధ స్మారక ప్రాజెక్టుకు కేం ద్రం 2015, డిసెంబర్ 18న అనుమతి మంజూరు చేయగా, గతేడాది ఫిబ్రవరిలో పనులు మొదలయ్యాయి. ఈ కేంద్రంలోని త్యాగ్ చక్ర ఆవరణలో పు